ජාතික රූපවාහිනියේ අවුරුදු කුමාරි තරගයෙන් තමයි මට දෙවනි ස්ථානය ලබාගන්න හැකිවුණේ. ඒ 2010 වර්ෂයේදී.
මම පළවෙනි වටේට සහ දෙවනි වටේට ඇන්දෙ රතු පාට චීත්තෙයි හැට්ටෙයි. අවසාන දවසෙදි මැජෙන්ටා වර්ණයෙන් චීත්තෙයි හැට්ටෙයි ඇන්දෙ.
මට ජයග‍්‍රහණ කරන්න පුළුවන් වෙයි කියලා හිතුණා. මොකද ගොඩක් අයගෙන් ප‍්‍රතිචාර ලැබුණා. ඒ රූපවාහිනියෙ අන්තිම වටේ ළං වෙද්දි අනිත් තරග වටවල දේවල් පෙන්නුවා. ඒවා බලලා ලැබුණු ප‍්‍රතිචාර මත මොකක් හරි දිනන අවස්ථාවක් ලැඛෙයි කියලා හිතුණා.
ඉතින් මට දෙවෙනි ස්ථානය ලැඛෙද්දි ගොඩක් සතුටු හිතුණා. ඒක වචනවලින් කියන්න බැරිතරම්. මට ඒ වෙද්දි එච්චර වයසක් නෑ. ක්‍ෂේත‍්‍රයේ ගොඩක් දේවල් මට පුරුදුත් නෑ. මම ඒ කාලෙ ක්‍ෂේත‍්‍රයේත් නෑනෙ. ඉතින් ඒ තරගයට මුහුණ දෙද්දිත් ලොකු බයක්, පැකිලීමක් මගේ තිබුණා. කොහොම හරි ඉතින් 2වන ස්ථානය ලැබුණා.
අවුරුදු කුමාරි හරහා මට ගොඩක් අවස්ථා ලැබුණා කලා ක්‍ෂේත‍්‍රයට පිවිසීම සඳහා. ඒ රූපවාහිනියෙ නිවේදිකාවක් ලෙස වැඩ කරන්න. ඒ සඳහා පුහුණුවීම්වලට පවා අවස්ථාවක් ලැබුණා. ඒ වගේම රංගනය සඳහා මට පළමුවෙන්ම සම්බන්ධ වෙන්න ලැබුණෙ රූපවාහිනියෙ අධ්‍යක්ෂ කෙනෙක්ම කරපු ”බිනරි” ටෙලිනාට්‍යයට. ඒ ටෙලිනාට්‍යයෙ ප‍්‍රධාන චරිතය නෙමෙයි කළේ. නමුත් එතනින් තමයි මම මුලින්ම රගපාන්න පටන් ගත්තෙ. පසුව ඒ අවුරුද්දෙම දෙසැම්බර් මාසයේ නත්තල් නාට්‍යයක වැඩ කළා. ඒ නාට්‍ය තමයි රූපවාහිනියෙ පළමුවෙන්ම විකාශය වුණේ.
ඉතින් ඒ විදියට අවුරුදු කුමරි හරහා පැමිණි මේ ගමන ජනප‍්‍රිය නිළිය දක්වාම ඇවිල්ලා තියෙනවා. ඒ ගැන හරිම සතුටුයි.
Search Keywords
Search Keywords
0 comments:
Post a Comment